أنا و المقررات
July 8th, 2008بسم الله الرحمن الرحيم
من هالمدونه راح اتكلم عن موضوع يهمني جداً ! وهو نظام المقررات في مدارس الرياض
النظام كان جديد على الطلاب ! و على المدرسين بعد , و يمكن اقدر اقول بعد على ادارة المدرسة ..
ولهذه السبب فشل النظام بنظري ! , لعدة اسباب , منها : النظام يتيح للطلاب انه يختار المواد اللي يدرسها
ولكن احنا ما اخترنا المواد ! و هذا ما يخلينا نوزع المواد حسب رغبتنا و اللي نشوفه صعب نخليه اول شي
او نخليه آخر شي و نحط معاه ماده سهله ! , ثانياً مفروض تكون المدرسة بنظام قاعات
يعني قاعه فيزيا و قاعه كيميا و قاعه احيا إلخ إلخ إلخ … و الطالب ينتقل بينهم على حسب الجدول !
و ينتهي قبل الساعه 1:40 ! , و هذا شي فرق كبير و ويوفر وقت للطالب . لكن للاسف ما صار هالشي فالمدرسة
وكان تعب كبير علينا اننا نوفق بين دراستنا و حياتنا العاديه ! اللي كثير من المدرسين ناسينها و يعتبرون ان الطلاب
ما عندهم الا دراسه وبس , ونسوا ان عندهم بيت و ام و ابو و اخوان و ارتباطات ! .
الشي اللي لفت نظري و خلاني اكتب هالمدونه , هو ان اول السنة اللي كانوا يشرحون لنا النظام . قالوا ان في امكانية اننا ناخذ ترم صيفي !
والشي راح ينقص ترم و ننتهي في سنتين و نص ! ولو شدينا حيلنا اكثر ممكن ننتهي بسنتين بس مع الترم الصيفي !
اللي عرفته ان طلاب راحوا للمدرسة ( مدارس الرياض ) و طلبوا منهم تعرفي او شي زي كذا عشان بيروحون يدرسون
ترم صيفي فمدرسة , و المدرسة طلبت منهم تعرفين من المدرسة اللي كانوا فيها و يوضحون المواد اللي اجتازوها
ولكن كان رد غريب من مدارس الرياض و رفضوا انهم يعطونهم تعريف ! و السؤال هنا ليه ؟
الجواب لأن بعد ما يدرسون الطلاب ترم صيفي , راح يجتازون مادتين مثلاً . و يجون في السنة الجايه
مع الطلاب اللي ما دخلوا ترم صيفي ! وهنا بيصير تصادم و لخبطه ! لأن اللي درس ترم صيفي
المواد اللي يدرسها غير عن اللي ما درس ! و المدرسة قالت هالشي راح يزيد التكاليف على المدرسة
و منعتهم انهم يدرسون ترم صيفي ! . هذا بصراحة اعتبره اكبر دليل لفشل النظام !
و أتمنى من هالمدونه اقدر اوصل صوتي و القى رد من مسؤول و شكراً
